Menning

Menning
(Lag / texti: Bubbi Morthens)

Þurrkaður fiskur og fornar sögur
finnast enn á landi hér,
þíðir vindar, vorkvöld fögur
og von um frelsi handa þér.

Við sjóndeildarhringinn heimur stríðir,
hungrar í að gleypa þig.
Auðmjúkur þú engu kvíðir,
allir aðrir selja sig.

Erlend nöfn þau auka gróðann,
allir vilja klæðin fín.
Tíska er markmið, troðum slóðann,
tíska er lífið, börnin mín.

McDonalds eltum heim í hreysið,
hryggðarmynd úr augum skín,
bæta ætlar auðnuleysið,
aftur verður veröld fín.

Kentucky fried og kókið herja,
kanar Íslands opna hlið.
Herraþjóð fer varla að verja
né vernda landsins sálarmið.

Í hulduborg er beygpur álfur
því barnið hans úr hamri sér
að maður skóp sitt myrkur sjálfur,
myrkið sjálft í huga þér.

Blöðin prenta, pennar skrifa,
pælum aðeins meir í því.
Oftast fær hún lygi að lifa,
leynist menning blöðum í?

Stöðin viljug varpar ensku.
Voðinn leggst á tungu þér.
Það telja allir ekta lensku
ensku skulum tala hér.

Stjörnur koma, stjörnur fara,
stefnir allt í sömu átt.
Menning sú er töluð tjara.
Í tómum kagga bylur hátt.
 
[af plötunni Bubbi Morthens – Dögun]