Silfraður bogi

Silfraður bogi
(Lag / texti: Bubbi Morthens)
 
Í regninu elskendur finnurðu falda,
fallandi regnið mun yfir þau tjalda,
hjörtun þau titra, hjörtun þau loga,
hjörtun sér fórna undir silfruðum boga.

Við þig ég tala meðan tunglið syndir,
tekur þín augu, sýnir þeim myndir.
Lífinu myndi ég vissulega voga
í von um koss undir silfruðum boga.

Eins og hermaður sem finnur að feigðin syngur
að fljúgandi kúlan er hans giftingarhringur,
þá finn ég í brjóstinu bálið loga,
bíddu mín í nótt undir silfruðum boga.

Dagarnir mínir daufir líða,
daprir eftir ástinni þurfum að bíða.
Í hjarta mitt sem hamast toga
húmblá augu undir silfruðum boga.

Ef í regninu elskendur finnurðu farna
felldu ekki dóminn, allavega ekki þarna,
ef þú aðeins heldur við hjartans loga
mun hamingjan bíða undir silfruðum boga.

Ástin undir silfruðum boga bíður
að bros þitt vakni því tíminn líður.
Ef í regninu kaldar göturnar gengur
gakktu undir boganna og dveldur það lengur.

[af plötunni Bubbi Morthens – Dögun]