Á hörpunnar óma

Á hörpunnar óma
Lag / texti: erlent lag / Theodór Einarsson

Á hörpunnar óma við hlustum í kvöld
mín hjartkæra, draumfagra meyja.
Tunglskinið hefur sín töfrandi völd,
þá tónarnir síðustu deyja.
Í hillingum sjáum við sólfagra strönd,
þar svifum við tvö ein um draumfögur lönd.
Tunglskinið hefur sín töfrandi völd,
er tónarnir síðustu deyja.

Og nóttin oss býður sín litskreyttu ljós,
sem leiftra um himinsins veldi,
þá gef ég þér ást mína, heiður og hrós
og hamingju á þessu kveldi.
Við dönsum og syngjum mitt seiðandi lag,
uns sjáum við roða, hinn komandi dag.
Og þá átt þú ást mína, heiður og hrós
og hamingju frá þessu kveldi.

[m.a. á plötunni Karlakórinn Heimir – Dísir vorsins]