Tregi

Tregi
Lag og texti Hörður Torfason

Ég bað englana á himnum að gæta þín,
en asnarnir gáðu ekki að sér.
Þeir flugu of nærri þér, ástin mín,
og tóku þig burtu frá mér.

Ég gat ekki sofið dúr í nótt,
né vakað, því ástandið var;
eymdarkvalir og hitasótt,
þrálátar minningar.

En gufaðu ekki upp, ástin mín,
þú ert svo sæt og fín.
Ég kem bráðum og gæti þín,
og gef þér vítamín og appelsín.

Englarnir reyna’ að fela þig,
svo hvergi í þig sér.
En nú komu bölvaðir upp um sig,
þeir kveiktu ljós hjá þér.

Á morgun ætla ég að gabba þá,
ég læst vera dauður og ber lím í fötin mín.
Sem fiskur öngul ég festist á,
fötin þeirra og kemst loks upp til þín.

Gufaðu ekki upp, ástin mín,
þú ert svo sæt og fín.
Ég kem bráðum og gæti þín
og set þig í formalín.

[af plötunni Hörður Torfason – Hugflæði]