Flughræddur

Flughræddur
(Lag / texti: Þormóður Eiríksson og Gauti Þeyr Másson / Gauti Þeyr Másson)

Ég aftengi á mér hausinn til að líða aðeins betur
því ég var allt of nálægt því að kála mér í vetur.
Ég er svo flughræddur en ég er alls ekki lentur,
ég þarf að standa upp og gera þennan dag aðeins betur.

Ég aftengi á mér hausinn og ég sigli burtu á úthaf
á tvö hundruð og tuttugu á slitnum malarvegi, vona að ég keyri ekki út af.
Ég veit að ég lifi allt of hratt, fór of nálægt brúninni og ég datt,
ég þarf bara að slaka á og chilla aðeins og reyna að lifa af.

Kominn aftur á þennan stað
en ég vil ekki dvelja þar
svo ég reyni að sigla heim á leið.

Ég aftengi á mér hausinn og þá er ég fyrst tengdur,
ég dílaði við hugsanir sem sögðu mér að ég vildi ekki vera hérna lengur.
Ég veit að ég lifi allt of hratt, fór of nálægt brúninni og ég datt,
ég þarf bara að slaka á og chilla aðeins og reyna að lifa af.

Því ég get verið allt of kvíðinn,
hausinn fer hraðar en tíminn.
Hún sagði, reyndu að halda lífi
en ég veit ekki hvað það þýðir.
Ég veit að ég lifi allt of hratt, fór of nálægt brúninni og ég datt,
ég þarf bara slaka á og chilla aðeins og reyna að lifa af.

Því ég get verið allt of kvíðinn,
hausinn fer hraðar en tíminn.
Hún sagði reyndu að halda lífi
en ég veit ekki hvað það þýðir.
Ég veit að ég lifi allt of hratt, fór of nálægt brúninni og ég datt,
ég þarf bara slaka á og chilla aðeins og reyna að lifa af.

Kominn aftur á þennan stað
en ég vil ekki dvelja þar
svo ég reyni að sigla heim á leið.

[af plötunni Emmsjé Gauti – Bleikt ský]