Úti í Eyjum

Úti í Eyjum
(Lag / texti: Jakob F. Magnússon, Valgeir Guðjónsson og Egill Ólafsson)

Úti‘ í Eyjum
var Einar kaldi,
er hann hér enn?
Hann var öðlingsdrengur,
já svona eins og gengur
um Eyjamenn.

Í kvenmannsholdið
kleip hann soldið,
klípur hann enn?
Hann sigldi‘ um sæinn,
svalan æginn,
siglir hann enn?
Við spyrjum konur og menn, allir saman nú:
Tralala larara ralala,
hann bjargaði sér fyrir björgin dimm.
Tralala larara ralala,
þær báðu hans einar fimm.

Hann unni einni,
Önnu hreinni,
ann ‘ann henni‘ enn?
En hvar er Anna,
elsku Anna?
Við spyrjum konur og menn.

Hann sást með Guddu,
sætri buddu
í suðlægri borg,
en Anna situr
ein og bitur
í ástarsorg.
Allir saman nú:
Tralala larara ralala,
hann bjargaði sér fyrir björgin dimm.
Tralala larara ralala,
þær báðu hans einar fimm.

Mér er sem ég sjái‘ann Einar kalda,
mér er sem ég sjái‘ann Einar hér,
er hann Einsi kannski búinn‘að tjalda
við hliðina‘ á þér.
Mér er sem ég sjái‘ann Einar kalda,
mér er sem ég sjái‘ann Einar hér,
er hann Einsi kannski búinn‘að tjalda
við hliðina‘ á þér.

[m.a. á plötunni Með allt á hreinu – úr kvikmynd]