Frumskógaredda (1991)

Hljómsveitin Frumskógaredda starfaði um skamman tíma sumarið 1991 og lék þá m.a. á tónleikum í tengslum við óháðu listahátíðina Loftárás á Seyðisfjörð, sem haldin var í Reykjavík.

Frumskógaredda hafði verið stofnuð um vorið 1991 upp úr Út úr blánum þegar mannabreytingar urðu í þeirri sveit en meðlimir voru þau Laurie Driver trommuleikari, Ósk Óskarsdóttir söngkona og hljómborðsleikari, Ingimar Bjarnason og Gunnþór Sigurðsson bassaleikari.

Meðlimir sveitarinnar áttu síðar eftir að spila á plötum Óskar á næstu árum þótt hún væri þá hætt störfum.