Afmælisbörn 1. október 2021

Þráinn Árni Baldvinsson

Tvö afmælisbörn eru á skrá Glatkistunnar þennan fyrsta dag október mánaðar:

Þráinn Árni Baldvinsson gítarleikari og tónmenntakennari er fjörutíu og fimm ára á þessum degi. Þráinn hefur komið víða við í fjölbreytileika tónlistarinnar síðan hann lék með unglingahljómsveitinni Pain en þar má nefna sveitir eins og Sága, Klamidía X, Blóð, Innvortis, Kalk, Moonboot, Sikk og Skálmöld sem er auðvitað með þekktustu sveitum landsins en hann hefur einnig leikið á plötum Baggalúts hópsins svo annars konar dæmi séu tekin.

Rósa Guðrún Sveinsdóttir tónlistarkona frá Akranesi er fjörutíu og eins árs gömul í dag. Rósa er afar fjölhæf, syngur, semur lög og texta, stjórnar lúðrasveit, leikur á fjölda hljóðfæra og starfar sem tónmenntakennari, hún hefur sent frá sér sólóefni og starfað með hljómsveitum eins og Ritvélum framtíðarinnar, 13 tunglum, Vítamín og Robert the roomate auk þess að hafa komið við sögu á fjölda platna þekktra tónlistarmanna og hljómsveita.

Vissir þú að Rúnar Örn Friðriksson söngvari Sixties er sonur Friðriks Bjarnason gítarleikara Hljómsveitar Ingimars Eydal?