Allt á floti

Allt á floti
(Lag / texti: erlent lag / Jón Sigurðsson)

Það er allt á floti alls staðar,
ekkert nema sjór en segðu mér
hvað get ég hannað en hugsað til þín
sem heima bíður mín.

Nú er svalt á sjó,
sjaldan fæ ég næturró.
Við stýrið ég stend og hugsa heim nú,
við stofugluggann ert þú.

Hér er allt á floti alls staðar,
ekkert nema ólgandi haf.
Hvað get ég annað en hugsað til þín
sem heima bíður mín.

Ég sigli‘ um heimsins höf,
hef í mörgum borgum töf.
Lít ég Grænland fjöll og Grikklands storð
og garpar syngja um borð – samtaka nú.

Allt á floti alls staðar
en ekkert að drekka, segðu mér
hvað get ég annað en hugsað til þín
sem heima bíður mín.

Það er kátt í hverri höfn,
hirðum ekki um hallir né söfn.
Í farmanns æðum ólgar blóðið ört,
hvort björt er mey eða svört.

Já þá er allt á floti alls staðar,
ekkert nema hú hú húllum hæ.
En sá glaumur aldrei glepur mig,
ég geymi minningu‘ um þig.

Er skipið aftur snýr,
sjá landið rís úr hafi‘ á ný.
Í nótt verður leikið og dansað dátt
og lagið sungið kátt.

Það er allt á floti alls staðar,
þó ekki nema tíu tíma stím.
Hvað get ég annað en hugsað til þín
sem heima bíður mín.

Ég kem til þín í kvöld
við kossa blíða og ástareld.
Bæði gleymum við stund og stað,
ég segi‘ ei meira‘ en það.

Þá verður allt á floti alls staðar,
ekkert nema hmmm….
Hvað get ég annað en hugsað til þín
sem heima bíður mín,
heima hbíður mín
vakir og bíður,
bíður, bíður,
tíminn, tíminn líður,
seint,
seint…

[m.a. á plötunni Bíódagar – úr kvikmynd]