Kletturinn

Kletturinn
(Lag og texti Örn Elías Guðmundsson (Mugison))

Þeir kölluðu mig klett
en dropinn holar stein,
nú sit ég einn á gangstétt
og man ei leiðina heim.
Tóbak og tjútt stytta þá leið.
Sú á er bæði djúp og breið.

Úr holdi er ég kominn
og mold skal verða,
löngu aðframkominn,
ónýtt til viðgerða.
Tóbak og tjútt stytta þá leið.
Sú á er bæði djúp og breið.

Ég á mér draum – bara ef þú spyrð
um að menn eins og ég renni ekki úr ábyrgð.

Eins og jarðskjálfti
sem bítur allt,
tapaði öllu sem ég átti,
sjálfum mér þúsundfalt.
Tóbak og tjútt stytta þá leið
Sú á er bæði djúp og breið.

Ég á mér draum – bara ef þú spyrð
um að menn eins og ég renni ekki úr ábyrgð.

Hjálpaðu mér – þar sem ég stend,
það æðsta er – alltaf – samkennd.

[af plötunni Mugison – Haglél]