Stingum af

Stingum af
(Lag og texti: Örn Elías Guðmundsson (Mugison))

Það er andvökubjart,
himinn – kvöldsólarskart,
finnum læk – litla laut,
tínum grös – sjóðum graut.
Finnum læk – litla laut,
tínum grös – sjóðum graut.
 
Finnum göldróttan hval
og fyndinn sel í smádal,
lækjarnið – lítinn foss,
skeinusár – mömmukoss.
Lækjarnið – lítinn foss,
skeinusár – mömmukoss.

Stingum af
í spegilsléttan fjörð,
stingum af,
smáfjölskylduhjörð.
Senn fjúka barnaár upp í loft – út á sjó,
verðmæt gleðitár,
elliró.
Elliró.

Hoppum út í bláinn,
kveðjum stress og skjáinn,
syngjum lag – spilum spil,
þá er gott að vera til.
Syngjum lag – spilum spil,
þá er gott að vera til.

Tínum skeljar – fjallagrös,
látum pabba blása úr nös,
við grjótarhól í feluleik,
á hleðslu – lambasteik.
Við grjótarhól í feluleik,
á hleðslu – lambasteik.

Stingum af
í spegilsléttan fjörð,
stingum af
smáfjölskylduhjörð,
senn fjúka barnaár upp í loft – út á sjó,
verðmæt gleðitár,
elliró.
Elliró.

[af plötunni Mugison – Stingum af]