Ölerindi

Ölerindi
(Lag / texti: þjóðlag / Hallgrímur Pétursson)

Nú er ég glaður á góðri stund
sem á mér sér.
Guði sé lof fyrir þennan fund
og vel sé þeim sem veitti mér.

Viljað hef ég á vina mót
sem nú á sér,
reynt af mörgum hýrleg hót.
Og vel sé þeim sem veittir mér.

Þó mungáts orð séu mörg og smá
sem oft við ber
til lasta ekki leggja má,
því veldur sá sem veitti mér.

Yndi er að sitja öls við pel
og gamna sér
en fallegt er að fara vel,
þó ör sé sá, sem áskenker.

Gott er að hafa góðan sið,
sem betur fer.
Aldrei skartar óhófið,
og er sá sæll sem gáir að sér.

Gott er að hætta hverjum leik
þá hæst fram fer,
nú skal hafa sig á kreik.
Vel er þeim sem veitti mér.

[m.a. á plötunni Hamrahlíðarkórinn – Íslensk þjóðlög