Þrjú hjól undir bílnum

Þrjú hjól undir bílnum
(Lag / texti: erlent lag / Ómar Ragnarsson)

Þrjú hjól undir bílnum
en áfram skröltir hann þó.
Öræfaþokan eltir dimm
með kolsvart él sem kæfir vél
en við kyrjum samt kát í næði og ró.
Við syngjum hibbidí-hæ og hibbidí-hí
svo bergmálar fjöllunum í.
Hérna rétt sunnan við hálsinn er sæluhús,
við gætum sofið þar öll uns birtir á ný.
Ó, Guðmundur það er byrjað að snjóa – það passar, þeir spáðu sólskini.

Tvö hjól undir bílnum
en áfram skröltir hann þó.
Í sumarfrí á fjallalóð,
fárviðri hvín, dagsljós dvín,
ein við kyrjum samt kát í næði og ró.
Við syngjum hibbidí-hæ og hibbidí-hí
svo bergmálar fjöllunum í.
Hérna rétt sunnan við hálsinn er sæluhús,
við gætum sofið þar öll uns birtir á ný.
Ertu viss um að við séum á réttri leið – Haltu þér smaan, þú með þín vegakort.

Eitt hjól undir bílnum
en áfram skröltir hann þó.
Yfir grjót og urð, upp í hurð,
með hikst og hóst í hliðargjóst.
En við kyrjum samt kát í næði og ró.
Við syngjum hibbidí-hæ og hibbidí-hí
svo bergmálar fjöllunum í.
Hérna rétt sunnan við hálsinn er sæluhús,
við gætum sofið þar öll uns birtir á ný.
Ó, Guðmundur það fossar vatn um allan bílinn – Þegiðu kona og lokaðu glugganum.

Ekkert hjól undir bílnum,
hann áfram skröltir ei meir.
Hann liggur á hlið í hyldýpri á,
straumurinn gjálfrar gluggum á.
En við kyrjum á kafi í vatni og leir.
Við syngjum hibbidí-hæ og hibbidí-hí
svo bergmálar fjöllunum í.
Hérna rétt sunnan við hálsinn er sæluhús,
við gætum sofið þar öll uns birtir á ný.

[m.a. á plötunni Ómar Ragnarsson – Fyrstu árin]