Skólakór Tónlistarskóla Kópavogs (1969-77)

Kór var starfandi við Tónlistarskóla Kópavogs um nokkurra ára skeið á áttunda árataug liðinnar aldar en skólinn hafði verið settur á laggirnar haustið 1963.

Ekki var um kórastarf að ræða fyrstu ár skólans en það var svo haustið 1969 sem skólakór tók til starfa undir stjórn Margrétar Dannheim. Sá kór starfaði að öllum líkindum undir stjórn Margrétar til vorsins 1977 og söng bæði á tónleikum innan tónlistarskólans sem og utan hans svo sem á Kópavogsvöku sem þá var haldin ár hvert á þessum árum. Undir lok starfstíma kórsins hafði Skólakór Kársness verið stofnaður og má kannski segja að sá kór hafi tekið við barnakórastarfi í Kópavoginum á þeim tíma.