Afmælisbörn 23. júní 2022

Erla Dóra Vogler

Afmælisbörn dagsins í tónlistargeiranum eru eftirfarandi:

Kristján Freyr Halldórsson trommuleikari frá Hnífsdal er fjörutíu og sjö ára gamall í dag. Kristján hefur leikið með ótal hljómsveitum, fyrst vestra en síðar á höfuðborgarsvæðinu. Meðal sveita hans má nefna Níkagagva group, Homebreakers, Geirfuglunum, Miðnes, Prinspóló, Reykjavík! og Dr. Gunna. Kristján hefur einnig komið að tónlist með öðrum hætti s.s. með tónleikahaldi og dagskrárgerð í útvarpi.

Og þá á Erla Dóra Vogler óperusöngkona þrjátíu og níu ára afmæli. Erla Dóra kemur frá Egilsstöðum og hóf þar söngnám sitt en hún nam einnig í Reykjavík og Vín. Hún hefur komið bæði fram sem dægurlaga- og óperusöngkona, m.a. með hljómsveitinni Dægurlagadraumum, á fjölda tónleikum um land allt og erlendis og hefur haldið minningu Jórunnar Viðar á lofti. Erla Dóra sendi frá sér plötuna Víravirki árið 2010.

Vissir þú að rappsveitin XXX Rottweiler hét upphaflega 110 Rottweiler hundar en þeir komu úr póstnúmerinu 110 – Árbænum?