Zafír (1989-91)

Hljómsveit að nafni Zafír var starfandi allavega á árunum 1989-91 og innihélt bassaleikarann Hall Guðmundsson. Engar aðrar upplýsingar liggja þó fyrir um þessa sveit.

Zero (1965-68)

Hljómsveitin Zero starfaði í Langholtsskóla um miðjan sjöunda áratug 20. aldarinnar. Í henni voru m.a. Ragnar Daníelsen gítarleikari (Stuðmenn o.fl.) og Sæmundur Haraldsson. Sveitin var líklega uppi á árunum 1965-68 en ekki er vitað um frekari deili á henni, allar upplýsingar þ.a.l. eru vel þegnar.

Zikk Zakk (1993-95)

Akureyska bræðingssveitin Zikk Zakk lék nokkrum sinnum opinberlega á árunum 1993-95. Meðlimir sveitarinnar voru þeir Pálmi Gunnarsson bassaleikari, Sigfús Óttarsson trommuleikari, Kristján Edelstein gítarleikari og Karl Olgeirsson hljómborðsleikari. Eitthvað fækkaði í sveitinni eftir því sem á leið og starfaði Zikk Zakk sem tríó undir það síðasta.

Zorglúbb (1993)

Zorglúbb úr Reykjavík keppti í Músíktilraunum 1993 en varð ekki ein þeirra sveita til að komast í úrslit keppninnar það árið. Sveitina skipuðu þeir Bragi Valdimar Skúlason gítarleikari, Guðmundur Ingi Gunnarsson gítarleikari, Helgi Guðbjartsson trommuleikari, Örlygur Benediktsson hljómborðsleikari og söngvari og Snorri Hergill Kristjánsson bassaleikari.

Það veit andskotinn (1991)

Það veit andskotinn var dúett en tvö lög með sveitinni er að finna á safnsnældunni Strump, sem út kom 1991. Meðlimir sveitarinnar voru þeir Hrólfur Sæmundsson og Róbert Ingi Douglas.

Þarmagustarnir (1983-84)

Hljómsveitin Þarmagustarnir vakti nokkra athygli um miðjan níunda áratuginn. Sveitin var stofnuð í Kópavogi haustið 1983 og stuttu síðar keppti hún í Músíktilraunum Tónabæjar, sem þá voru haldnar öðru sinni. Þar komust Þarmagustar í úrslit og enduðu í öðru til þriðja sæti ásamt Bandi nútímans en Dúkkulísurnar sigruðu Músíktilraunirnar það árið. Meðlimir sveitarinnar, sem var…

Þeir (1966-67)

Bítlasveitin Þeir frá Akureyri vakti nokkra athygli, einkum norðanlands 1966. Sveitin kom einnig suður til spilamennsku en meðlimir hennar voru Sigurður Ringsted trommuleikari, Kári Gestsson gítaleikari, Haraldur Tómasson gítarleikari, Stefán Ásgrímsson bassaleikari og Aðalsteinn Bergdal söngvari. Ekki liggur fyrir hversu lengi Þeir störfuðu en það hefur líklega verið fram á 1967.

Þema [1] (1981-82)

Austfirska hljómsveitin Þema starfaði veturinn 1981-82 og var skipuð þeim Viðari Sigurjónssyni trommuleikara, Örvari Einarssyni hljómborðsleikara, Sigurjóni Ingibergssyni gítarleikara, Bjarna H. Kristinssyni gítarleikara og Höskuldi Svavarssyni bassaleikara. Lengri varð líftími hennar ekki.

Þema [2] (1986)

Hljómsveitin Þema frá Akranesi keppti í Músíktilraunum 1986 og komst þar í úrslit. Anna Halldórsdóttir söngkona, Theódór Hervarsson hljómborðsleikari, Ingimundur Sigmundsson gítarleikari, Logi Guðmundsson trommuleikari og Hallgrímur Guðmundsson bassaleikari skipuðu sveitina sem stofnuð var upp úr Winston light orchestra. Sveitin varð líklega ekki langlíf.

Þetta er bara kraftaverk (1985)

Syntapoppsveitin Þetta er bara kraftaverk átti rætur sínar að rekja til pönksins og var eðlilegt framhald af pönksveitinni Q4U sem tveir meðlimanna, Elínborg Halldórsdóttir (Ellý) og Árni Daníel Júlíusson höfðu verið í. Þetta er bara kraftaverk var stofnuð vorið 1985 en starfaði einungis um nokkurra mánaða skeið fram á haust. Auk þeirra Ellýjar og Árna…

Þjófar (1991-92)

Rokksveitin Þjófar störfuðu a.m.k. frá vorinu 1991 og til sumars 1992 en þá breytti sveitin um nafn og kallaði sig eftir það Bárujárn. Sveitin hafði að geyma Þórð Heiðar Jónsson trommuleikara, Sigurjón Skæringsson söngvara, Berg M. Hallgrímsson og gítarleikarana Magnús S. Kristinsson og Magnús Axel Hansen, sumarið 1992 rétt áður en sveitin breytti um nafn…

Þrykkt í þarma (1988)

Þrykkt í þarma var hljómsveit sem tók þátt í Músíktilraunum 1988. Sveitin var skipuð þeim Erni Úlfari Höskuldssyni trommuleikara, Ellert Þór Jóhannssyni bassaleikara, Hallgrími Skúlasyni söngvara og Mími Reynissyni gítarleikara. Ekki liggja fyrir frekari upplýsingar um sveitina.

Þursaflokkurinn (1977-84)

Upphaf Þursaflokksins má rekja til haustsins 1977 en þá hafði Egill Ólafsson verið í Spilverki þjóðanna við góðan orðstír. Egill kallaði saman þá Þórð Árnason gítarleikara og Tómas M. Tómasson bassaleikara (sem báðir höfðu komið lítillega við sögu Stuðmanna með Agli), auk Ásgeirs Óskarssonar trommuleikara og Rúnars Vilbergssonar fagottleikara (BG og Ingibjörg o.fl.) og fóru…

Þursaflokkurinn – Efni á plötum

Þursaflokkurinn – Hinn íslenzki þursaflokkur Útgefandi: Fálkinn / Steinar / Íslenskir tónar / Sena / Alda music Útgáfunúmer: FA 006 / FD 006 & FK 006 / IT 303 / SLP 695 / AMLP 040 Ár: 1978 / 1992 / 2009 / 2015 / 2018 1. Einsetumaður einu sinni 2. Sólnes 3. Stóðum tvö í túni…

Þörungarnir (1988-92)

Hljómsveitin Þörungarnir kom frá Djúpavogi og var starfandi árunum 1988 til 1992. Sveitin keppti í Músíktilraunum 1991 og skipuðu sveitina þá Ægir Ingimundarson gítarleikari, Eiður Ragnarsson söngvari og gítarleikari, Karl Elvarsson söngvari, Róbert Elvarsson trommuleikari og Guðmundur Gunnlaugsson bassaleikari. Sveitin hafði ekki erindi sem erfiði í Músíktilraunum, komst ekki í úrslit enda um að ræða…

Æðruleysi (1989)

Hljómsveitin Æðruleysi var frá Patreksfirði en hún var stofnuð upp úr Rokkkvörninni sem hafði þá starfað um árabil vestra. Meðlimir Æðruleysis voru Sigurður Ingi Pálsson trommuleikari og söngvari, Hilmar Árnason bassaleikari, Gústaf Gústafsson gítarleikari og Stefán Stefánsson gítarleikari og söngvari. Sveitin átti lag á safnplötunni Vestan vindar sem kom út árið 1989 en það var…

Æsir [1] (1973-2003)

Æsir var hljómsveit, lengst af tríó sem starfaði líklega á höfuðborgarsvæðinu í allt að þrjá áratugi en sveitin mun hafa leikið töluvert á héraðsmótum framsóknarmanna á sínum tíma. Sveitin var stofnuð árið 1973 af Hafsteini Snæland sem fékk til liðs við sig Vilhelm Jónatan Guðmundsson hljómborðs- og harmonikkuleikara og Geirharð Valtýsson (Gerhard Schmidt) gítarleikara. Þeir…

Æsir [2] (2006-07)

Hljómsveitin Æsir úr Hafnarfirði var líklega stofnuð 2006. Vorið 2007 keppti sveitin í Músíktilraunum en meðlimir hennar voru þá Gunnar Björn Kolbeinsson söngvari og gítarleikari, Matthías Einarsson bassaleikari, Hreinn Guðlaugsson trommuleikari og Snævar Örn Ólafsson gítarleikari. Torfi Geir Símonarson trommaði eitthvað með bandinu haustið 2007 en ekki er vitað hversu lengi hún starfaði.

Æstistrumpur (1992)

Vorið 1992 var hljómsveit skipuð fremur ungum meðlimum sem bar þetta nafn. Líklegt má telja að nafn sveitarinnar megi rekja til þess að í byrjun þessa sama árs hafði komið upp mál þar sem videóspóla með Strumpunum komst í fjölmiða en hún hafði að geyma svæsið klámefni, í kjölfarið hafði Pressan slegið upp nafninu Æstistrumpur…

Ævintýri (1969-72)

Hljómsveitin Ævintýri var stofnuð 1969 af Arnari Sigurbjörnssyni gítarleikara, Sigurjóni Sighvatssyni bassaleikara og Björgvini Halldórssyni söngvara en Björgvin hafði þá þegar vakið nokkra athygli á söngsviðinu. Þremenningarnir höfðu verið í Flowers sem lagði upp laupana með stofnun Trúbrots og fljótlega bættust í hópinn trommuleikarinn Sveinn Larsson og Birgir Hrafnsson gítarleikari. Sveitin átti upphaflega að heita…

Ævintýri – Efni á plötum

Ævintýri [ep] Útgefandi: Tónaútgáfan Útgáfunúmer: T 111 Ár: 1969 1. Ævintýri 2. Frelsarinn Flytjendur Birgir Hrafnsson – raddir og gítar Björgvin Halldórsson – söngur og raddir Arnar Sigurbjörnsson – gítar og raddir Sigurjón Sighvatsson – bassi og raddir Sveinn Larsson – trommur og raddir Þórir Baldursson – orgel félagar úr Sinfóníuhljómsveit Íslands – [?] Ævintýri [ep] Útgefandi: Tónaútgáfan Útgáfunúmer: T 116 Ár:…

Ömmukórinn [1] (1980-98)

Sönghópur eða kór starfaði um árabil í Kópavogi undir nafninu Ömmukórinn. Að öllum líkindum er hann, eins og nafnið bendir til, kór eldri kvenna og var hann a.m.k. starfandi á árunum 1980-98, hugsanlega með einhverjum hléum. Allar upplýsingar varðandi þennan kór eru vel þegnar.

Ömmukórinn [2] (2001-02)

Á Akureyri starfaði kór eldri borgara undir nafninu Ömmukórinn, á árunum 2001 og 02. Stjórnandi þessa kórs var Sigríður Schöth.

Söngvakeppni Sjónvarpsins 2001 – Birta / Angel

Stemmingin fyrir undankeppni hér heima hafði verið með ágætum árið 2000 og snemma árs 2001 var gert heyrinkunnugt hvaða lög myndu keppa til úrslita en þeim hafði verið fjölgað um þrjú frá árinu áður og voru nú alls átta. Lögin sem voru kynnt í skemmtiþættinum Milli himins og jarðar voru; Aftur heim, flutt af Birgittu…

Söngvakeppni Sjónvarpsins 2004 – Heaven

Þrátt fyrir um margt skemmtilega og spennandi undankeppni 2003 var ákveðið að Ríkissjónvarpið héldi ekki slíka keppni vorið 2004, ekki voru allir tónlistarmenn á eitt sáttir um það og deildu Félag íslenskra hljómlistarmanna og forsvarsmenn undankeppninnar hjá Ríkissjónvarpinu um málið. Það skilaði engri niðurstöðu og ákveðið var að senda lag Sveins Rúnars Sigurðssonar við texta…

Söngvakeppni Sjónvarpsins 2003 – Segðu mér allt / Open your heart

Þar sem Ísland hafði ekki þátttökurétt í Eurovision 2002 (sem haldin var í Eistlandi) voru Íslendingar lítið með hugann við keppnina fyrr en í ársbyrjun 2003 þegar undankeppni var haldin með pomp og prakt og fimmtán lög kepptu til úrslita en yfir 200 lög höfðu borist í hana. Þá var tekin upp sú nýlunda að…

Söngvakeppni Sjónvarpsins 2005 – If I had your love

Síðla árs 2004 var tilkynnt að Ríkissjónvarpið myndi ekki blása til undankeppni Eurovision og annað árið í röð myndu menn innan stofnunarinnar sjá um að velja lag og flytjanda, var þetta gert í sparnaðarskyni eins og svo oft áður. Það var svo í byrjun mars að gert var opinbert að Selma Björnsdóttir myndi syngja framlag…

Söngvakeppni Sjónvarpsins 2006 – Til hamingju Ísland / Congratulations

Árið 2006 rann upp og loksins var komið að því að undankeppni skyldi haldin eftir þriggja ára hlé, og hún skyldi verða í stærra lagi enda átti Ríkissjónvarpið fjörtíu ára afmæli á árinu auk þess sem tuttugu ár voru liðin frá því Ísland keppti fyrst, með Gleðibankann. Ennfremur var söngvakeppnin sett í hendurnar á utanaðkomandi…

Söngvakeppni Sjónvarpsins 2007 – Ég les í lófa þínum / Valentine lost

Fyrirkomulagið 2007 var með svipuðu sniði og árið áður, tuttugu og fjögur lög kepptu í þremur undanþáttum um níu sæti í úrslitunum en árið á undan höfðu þau sæti reyndar verið fimmtán eins og áður er getið. Lögin níu í úrslitunum voru þessi: Áfram með Sigurjóni Brink eftir hann og Bryndísi Sunnu Valdimarsdóttur en textinn…

Söngvakeppni Sjónvarpsins 2008 – Fullkomið líf / This is my life

Óhætt er að segja að Ríkissjónvarpið hafi reynt að gera þátt undankeppni Söngvakeppni Sjónvarpsins sem mestan fyrir árið 2008 með mjög svo breyttu fyrirkomulagi, reyndar svo mjög að mörgum þótti nóg um. Herlegheitin hófust á haustmánuðum þegar skemmtiþátturinn Laugardagslögin hóf göngu sína en hann var í umsjá Ragnhildar Steinunnar Jónsdóttur og Gísla Einarssonar. Í ellefu…

Söngvakeppni Sjónvarpsins 2009 – Is it true?

Undirbúningur fyrir næstu undankeppni hófst þegar um haustið 2008 og er ekki laust við að meiri bjartsýni ríkti meðal landans eftir að Eurobandið hafði komist upp úr forkeppninni um vorið. Sjónvarpinu var þó þröngur stakkur búinn í kjölfar kreppuástands að ljóst að yfirbragð og umgjörð keppninnar yrði með látlausara móti, t.d. færi keppnin fram í sjónvarpssal…

Söngvakeppni Sjónvarpsins – undankeppni Eurovision (1986-)

Söngvakeppni evrópskra sjónvarpsstöðva (Evróvisjón söngvakeppnin eða Eurovision song contest) hefur lengi verið vinsælt sjónvarpsefni á Íslandi sem annars staðar í álfunni en keppnin hefur verið haldin frá árinu 1956. Hún hefur þó einnig verið vinsælt þrætuefni og ekki hafa allir verið á eitt sáttir um gæði keppninnar, sumir hafa litið á hana sem ruslfæði í…

Afmælisbörn 19. janúar 2015

Í dag eru fjölmörg afmælisbörn, þau eru eftirfarandi: Sigurður Rúnar Jónsson (Diddi fiðla) er 65 ára. Hann hefur vægast sagt komið víða við á sínum ferli enda fjölhæfur með afbrigðum, spilar á flest hljóðfæri, útsetur og semur tónlist. Framan af var hann í hljómsveitum eins og Náttúru, bjó síðar í Vestmannaeyjum þar sem hann stjórnaði…

Deildarbungubræður (1976-79)

Deildarbungubræður var hljómsveit sem herjaði á sveitaballamarkaðinn á árunum 1977-79 og náði að gefa út tvær stórar plötur á þeim tíma. Hljómsveitin var upphaflega sett saman sem grínverkefni fyrir útihátíð á Melgerðismelum í Skagafirði um verslunarmannahelgina 1976 en þar lék hún í pásu hjá Eik, Deildarbungubræður skipuðu að sögn þeir Axel Einarsson gítarleikari, Bragi Björnsson…

Afmælisbörn 18. janúar 2015

Tvö afmælisbörn koma við sögu í dag: Friðrik Vignir Stefánsson orgelleikari af Skaganum er 53 ára. Hann nam orgelleik á Akranesi og Reykjavík, fór til Danmerkur í framhaldsnám og hefur starfað sem organisti, stjórnandi kóra og skólastjóri tónlistarskóla t.d. í Grundarfirði og Seltjarnarnesi. Hann var ennfremur í sönghópnum Sex í sveit. Söngvarinn Páll Rósinkranz (Óskarsson)…

Afmælisbörn 16. janúar 2015

Í dag er eitt afmælisbarn skráð hjá Glatkistunni: Arnar Sigurbjörnsson gítarleikari er 66 ára en hann var einkum áberandi í popp- og sveitaballasenunni á áttunda áratug síðustu aldar. Arnar lék með hljómsveitum eins og Brimkló, Mexíkó, Strengjum, Ævintýri, Action og Flowers, og söng stundum líka með sveitum sínum. Hann söng t.d. háu röddina í laginu…

Afmælisbörn 15. janúar 2015

Afmælisbarn dagsins er eitt að þessu sinni: Erlingur Vigfússon óperusöngvari frá Hellissandi hefði átt afmæli í dag en hann fæddist á þessum degi árið 1936. Eftir söngnám í Reykjavík fór Erlingur til framhaldsnáms á Ítalíu og síðar Þýskalands þar sem hann starfaði síðan við Kölnaróperuna frá 1969 til 1998 þegar hann kom heim. Ekki er…

Afmælisbörn 13. janúar 2015

Afmælisbörn dagsins eru eftirfarandi: Óskar Páll Sveinsson hljóð- og upptökumaður er 48 ára. Hann var á yngri árum söngvari og hljómborðsleikari hljómsveitarinnar Medium en sneri sér síðan að upptökufræðum, starfaði sem tæknimaður hjá Ríkisútvarpinu og við upptökur og hljóðblöndun á fjölmörgum plötum hér heima áður en hann fluttist til Bretlands og vann þar við upptökur…

Afmælisbörn 12. janúar 2015

Afmælisbarn dagsins er eftirfarandi: (Sæmundur) Rúnar Þórisson gítarleikari frá Ísafirði er sextugur á þessum degi en hann hefur komið víða við á löngum tónlistarferli. Rúnar starfaði á árum áður með sveitum eins og Ýr, Danshljómsveit Vestfjarða, Grafík, Haukum, Dínamít og Dögg en henn vann einnig náið með Rafni Jónssyni á sólóplötum hans. Á síðari árum…

Afmælisbörn 11. janúar 2015

Tvö afmælisbörn eiga daginn í dag: Sigurður Rúnar Samúelsson (Siggi Sam) bassaleikari og fasteignasali frá Ísafirði er 42 ára. Sigurður, sem er af bassaleikaraættum (sonur Samúels Einarssonar í BG & Ingibjörgu) hefur leikið með ýmsum hljómsveitum á ferlinum s.s. Írafári, Hljómsveit Al Deilis, Bravó, Dægurlagakombóinu og Boogie knights. Berti Möller (Bertram Henry Möller) söngvari og…

Hamrahlíðarkórinn (1967-)

Kór Menntaskólans við Hamrahlíð / Hamrahlíðarkórinn er án efa öflugasti menntaskólakór landsins, og þótt víðar væri leitað. Hann hefur staðið fremstur meðal kóra síðan 1967 þegar hann var stofnaður. Þorgerður Ingólfsdóttir hefur stjórnað kórnum frá upphafi en hún var tónlistarkennari við skólann, sem þá var nýstofnaður. Í raun er um tvo kóra að ræða, annars…

Afmælisbörn 10. janúar 2015

Afmælisbarn dagsins er eitt að þessu sinni: Sverrir Guðjónsson kontratenór er 65 ára, hann var snemma viðloðandi tónlist á æskustöðvum sínum á Hellissandi, söng sjö ára á söngskemmtun við undirleik föður síns (Guðjóns Matthíassonar) og söng inn á tvær litlar plötur aðeins tólf ára gamall. Hann nam söng hér heima og á Bretlandseyjum og hefur…

Afmælisbörn 8. janúar 2015

Fimm tónlistartengd afmælisbörn koma við sögu á þessum ágæta degi, þau eru: Stórsöngvarinn og strætóbílstjórinn André Bachmann er 66 ára, hann er einna þekktastur fyrir framlag sitt til ýmissa styrktarverkefna í formi tónleika og plötuútgáfu en hefur einnig gefið út sólóplötur og sungið með hljómsveitum eins og Hljómsveit Þorsteins Guðmundssonar (Steina spil), Aríu, Gleðigjöfunum, Stefnumótum…

Afmælisbörn 7. janúar 2015

Enn og aftur er dagurinn fullur af tónlistartengdum afmælisbörnum: Kristján Hreinsson tónlistarmaður og ljóð/textaskáld með meiru er 58 ára. Fyrir utan að hafa samið mörg hundruð texta sem komið hafa út á plötum hefur Kristján gefið út fjölmargar plötur undir eigin nafni frá 1990. Stefán (Guðmundur) Óskarsson trúbador frá Raufarhöfn er 52 ára. Hann hefur…

Afmælisbörn 6. janúar 2015

Fjölmörg afmælisbörn koma við sögu í dag, þau eru eftirfarandi: Þórunni Lárusdóttur leik- og söngkonu skal fyrst nefna, hún er 42 ára gömul og hefur komið víða við í tónlistarlegum skilningi. Hún gaf t.a.m. út plötuna Álfar og tröll ásamt Friðrik Karlssyni 2006, jólaplötu með systrum sínum (Dísellu og Ingibjörgu) 2004 og hefur einnig sungið…

Elly Vilhjálms – Efni á plötum

Elly Vilhjálms [ep] Útgefandi: Íslenzkir tónar Útgáfunúmer: 45-2010 Ár: 1960 1. Ég vil fara upp í sveit 2. Kveðju sendir blærinn Flytjendur: Elly Vilhjálms – söngur KK-sextett – Jón Sigurðsson [2] (Jón bassi) – bassi og raddir – Jón Páll Bjarnason – gítar – Þórarinn Ólafsson – raddir og víbrafónn – Guðmundur Steingrímsson – trommur – Árni Scheving…

Afmælisbörn 5. janúar 2015

Í dag er aðeins eitt afmælisbarn: Davíð Þór Jónsson guðfræðingur er fimmtugur sem ku víst vera stórafmæli, hann er þekktari sem skemmtikraftur, fjölmiðlamaður, annar Radíus bræðra og sitthvað fleira fremur en að vera tónlistarmaður. Hann var þó söngvari hljómsveitarinnar Faríseanna sem gaf út plötu 1996, samdi þar bæði lög og texta, en hefur aukinheldur samið…

Durkheim (1991)

Hljómsveitin Durkheim frá Akranesi var starfandi 1991 og líklega eitthvað lengur. Sveitin komst í úrslit Músíktilraunanna það árið en þá var sveitin skipuð þeim Einari Harðarsyni gítarleikara, Guðmundi Klaxton trommuleikara, Einari Viðarssyni söngvara, Grétari Einarssyni bassaleikara og Steini Arnari Jónssyni básúnuleikara.

Afmælisbörn 4. janúar 2015

Þrír tónlistarmenn eiga afmæli í dag og eru eftirfarandi: Gunnar Þórðarson gítarleikari og lagahöfundur á hvorki meira né minna en sjötugs afmæli á þessum degi. Gunnar þarf varla að kynna, hann fæddist á Hólmavík, fluttist ungur til Keflavíkur, varð fyrst landsfrægur sem gítarleikari og aðal lagahöfundur bítlasveitarinnar Hljóma en síðar komu aðrar sveitir eins og…