Um miðjan þriðja áratug síðustu aldar mun hafa verið barnakór starfandi á Akureyri en litlar sem engar heimildir er að finna um þennan kór. Allar tiltækar upplýsingar um þennan fyrsta Barnakór Akureyrar óskast sendar Glatkistunni.
Bara-flokkurinn (Baraflokkurinn) frá Akureyri var fyrsta hljómsveitin frá Akureyri fyrir utan Hljómsveit Ingimars Eydal sem náði almennri athygli og hylli en hún var þó svolítið eyland mitt í flóru pönksins sem var í gangi um og eftir 1980 og fannst mörgum sveitum eiga illa heima í kvikmyndinni Rokk í Reykjavík. Hún var þó ágætt dæmi…
Saga Barna- og unglingakórs Akureyrarkirkju er eilítið flókin þar eð um tvo eiginlega kóra er/var að ræða sem hafa sungið við ýmis opinber tækifæri norðanlands og víðar reyndar, bæði innan kirkjunnar og utan hennar. Upphaf kórastarfsins nær aftur til haustsins 1992 þegar barnakór var settur á laggirnar við Akureyrarkirkju en hann var ætlaður börnum níu…
Hljómsveit skipuð ungum meðlimum var starfandi á Akureyri um eða fyrir miðjan sjöunda áratug síðustu aldar undir nafninu Bambino. Einn meðlima þeirrar sveitar var Gestur Pálsson en aðrar upplýsingar liggja ekki fyrir um hana.
Ballhljómsveit starfaði á Akureyri 1990-91 undir nafninu Bandamenn og lagði áherslu á árshátíðir, þorrablót og þess konar mannamót. Meðlimir sveitarinnar voru Birgir Arason söngvari og bassaleikari, Haukur Pálmason trommuleikari, Hlynur Guðmundsson söngvari og gítarleikari og Pálmi Stefánsson hljómborðs- og harmonikkuleikari. Sveitin lék alhliða danstónlist og gat skipt yfir í gömlu dansana ef því var að…
Árið 1994 var starfrækt hljómsveit á Akureyri sem bar nafnið Bandover. Engar upplýsingar er að finna um þessa sveit og þeir sem hafa einhverjar mættu senda Glatkistunni línu.
Kór Barnaskóla Akureyrar starfaði í áratugi undir stjórn Birgis Helgasonar en hann tók við hlutverkinu af Björgvini Jörgenssyni sem hafði stofnað kórinn 1948 og stýrt honum í um tíu ár, í starfstíð Björgvins var gjarnan nefndur Barnakór Akureyrar en Kór Barnaskóla Akureyrar undir stjórn Birgis. Kórinn er klárlega með þekktustu barnakórum sem starfað hafa hér…
Afar takmarkaðar heimildir er að finna um hljómsveitina Tvo heima sem starfaði á Akureyri í kringum aldamótin (1999 og 2000). Tveir heimar keppti í hljómsveitakeppni Rokkstokk 1999 sem haldin var í Keflavík og því er giskað á að meðlimir þessarar sveitar hafi verið fremur ungur að árum. Sveitin átti í framhaldinu lag á safnplötunni Rokkstokk…
Engin leið er að finna upplýsingar um hljómsveitina Tvilimon sem keppti vorið 1990 í hæfileikakeppninni Viðarstauk sem nemendafélag Menntaskólans á Akureyri heldur utan um. Af mynd af sveitinni að dæma var Tvilimon tríó en allar frekari upplýsingar um þessa sveit óskast sendar Glatkistunni.
Rafn Sveinsson (Rabbi Sveins) trommuleikari á Akureyri lék með fjöldanum öllum af hljómsveitum nyrðra og starfrækti einnig sveitir í eigin nafni. Fyrsta sveit Rafns var tríó sem sem starfaði haustið 1961 og gekk undir nafninu Tríó Rabba Sveins, engar upplýsingar er að finna um meðlimi þeirrar sveitar en svo virðist sem um stakt verkefni hafi…
Kristján Guðmundsson píanóleikari starfrækti um tíma tríó sem þó virðist ekki hafa starfað alveg samfleytt. Fyrst er þess getið 1989 og 90 en Kristján bjó þá líklegast á Akureyri og starfrækti tríóið þar, engar upplýsingar finnast um aðra meðlimi þeirrar útgáfu. 1994 til 97 virðist Kristján vera með tríó á höfuðborgarsvæðinu og a.m.k. um tíma…
Tríó Gunnars Ringsted starfaði líkast til á Akureyri 1995. Engar upplýsingar er hins vegar að finna um þessa sveit en líklegt er að Gunnar Ringsted gítarleikari hafi verið sá sem nafn tríósins vísar til. Allar frekari upplýsingar um þessa sveit óskast sendar Glatkistunni.
Birgir Marinósson starfrækti í tvígang hljómsveit undir nafninu Tríó Birgis Marinóssonar á Akureyri. Fyrra skiptið var á árunum 1975 og 76 en þeir Birgir sem lék á gítar og söng, Örvar Kristjánsson harmonikkuleikari og söngvari og Steingrímur Stefánsson trommuleikari léku þá víða um norðan- og austanvert landið við nokkrar vinsældir með dansiballaprógramm sitt, þeir fóru…
Unglingasveitin Treflar var starfrækt á Akureyri á árunum 1965 og 66. Meðlimir hennar voru Kári Gestsson gítarleikari, Haraldur Tómasson gítarleikari, Aðalsteinn Bergdal söngvari, Sigurður Ringsted trommuleikari og Ólafur Aðalsteinsson bassaleikari. Kjarni sveitarinnar átti síðar eftir að starfa saman í fleiri sveitum eins og Þeir og Taxmenn.
Hljómsveitin TRA tók þátt í Viðarstauk, tónlistarhátíð Menntaskólans á Akureyri vorið 1984. Sveitin var líklega hluti eða jafnvel öll áhöfn tölvupoppsveitarinnar ART, sem þá var starfandi í bænum en engar upplýsingar er þó að finna um hverjir skipuðu TRA þetta kvöld sem hátíðin fór fram. Engar sögur fara heldur af árangri sveitarinnar í Viðarstauk.
Útgáfufyrirtækið Tónaútgáfan var starfrækt norðan heiða vel á annan áratug og sumar af þekktustu og vinsælustu plötum íslenskrar tónlistarsögu komu út hjá fyrirtækinu. Það var Pálmi Stefánsson á Akureyri sem stofnaði Tónaútgáfuna haustið 1967 en hann hafði þá í um eitt ár starfrækt þar í bæ verslunina Tónabúðina sem m.a. hafði úrval hljómplatna í boði,…
Tónlistarbandalag Akureyrar var stofnað í því skyni að efla tónlistarlíf í höfuðstað Norðurlands og koma að stofnun Tónlistarskóla Akureyrar sem enn er starfandi í dag. Það voru Tónlistarfélag Akureyrar, Karlakórinn Geysir, Kantötukór Akureyrar, Lúðrasveit Akureyrar og Karlakór Akureyrar sem komu að stofnun Tónlistarbandalags Akureyrar haustið 1945, m.a. með það að markmiði að stofna tónlistarskóla sem…
Tortíming var nafn á nýbylgjusveit sem starfaði á Akureyri snemma á níunda áratug 20. aldar. Sveitin starfaði á annað ár (1980-81) og voru meðlimir hennar Albert Ragnarsson gítarleikari, Jakob Jónsson gítarleikari, Árni Jóhannsson bassaleikari, Níels Ragnarsson hljómborðsleikari og Guðmundur Stefánsson trommuleikari.
Toy machine frá Akureyri var um margt merkileg hljómsveit, hún var fyrst norðlenskra sveita til að eltast við meikdrauma erlendis og tilurð hennar átti stóran þátt í að tónlistarhátíðin Iceland Airwaves var sett á laggirnar. Félagarnir sem mynduðu Toy machine höfðu verið saman í hljómsveitum um tveggja ára skeið og kallað sig Gimp þegar þeir…
Hljómsveitin Tombstone var starfrækt á Akureyri í byrjun tíunda áratugar síðustu aldar. Tombstone var líklega stofnuð 1992 og var nokkuð virk í tónlistarlífi Akureyringa veturinn 1992-93 en sveitin var rokksveit í þyngri kantinum. Þegar sveitin tók þátt í Músíktilraunum Tónabæjar vorið 1993 voru meðlimir hennar Þormóður Aðalbjörnsson söngvari, Baldvin Ringsted gítarleikari, Jóhann [Jóhannes] Már Sigurðsson…
Norðlenska hljómsveitin Tilfelli starfaði í um eitt ár á Akureyri árið 1972. Sveitin var stofnuð strax upp úr áramótum snemma árs 1972 og starfaði fram í nóvember sama ár. Meðlimir hennar í upphafi voru Örvar Kristjánsson harmonikkuleikari, Gunnar Tryggvason gítarleikari, Sævar Benediktsson bassaleikari, Júlíus Fossberg trommuleikari og Stefán Baldvinsson [?]. Um vorið urðu þær breytingar…
Hljómsveitin Taxmenn (væntanlega með skírskotun í bítlalagið Taxman) starfaði í Menntaskólanum á Akureyri og lék á fjölmörgum böllum nyrðra en varð einnig svo fræg að leika í Glaumbæ þegar sveitin fór suður til Reykjavíkur. Meðlimir Taxmanna voru Haukur Ingibergsson gítarleikari, Sigurður G. Ringsted trommuleikari, Kári Gestsson gítarleikari og Stefán Ásgrímsson bassaleikari, sveitin var stofnuð upp…
Akureyska hljómsveitin Taktar starfaði í um tvö ár og telst líklega fyrsta norðlenska bítlasveitin. Meðlimir Takta voru allavega Jörundur Guðmundsson trommuleikari (síðar eftirherma og skemmtikraftur) og Bjarki Tryggvason söngari (og hugsanlega bassaleikari) en ekki liggur ljóst fyrir hverjir aðrir skipuðu sveitina, Örn Bjarnason og Garðar Karlsson hafa þó verið nefndir og gætu báðir hafa spilað…
Óvissa var ballsveit ættuð frá Akureyri, starfandi í kringum 1970. Sveitin var að öllum líkindum stofnuð 1968 og voru meðlimir hennar Sævar Benediktsson bassaleikari, Kristján Guðmundsson orgel- og gítarleikari, Gunnar Ringsted gítarleikari, Freysteinn Sigurðsson söngvari og Árni Friðriksson trommuleikari. Einnig gæti Þorleifur Jóhannsson hafa komið við sögu hennar. Óvissa lék nokkuð opinberlega á Akureyri en…
Óvænt ánægja var hljómsveit starfandi á Akureyri. Meðlimir hennar voru Ármann Einarsson, Haukur Pálmason og Ingvar Valgeirsson en ekki liggur fyrir hvaða hlutverk hver og einn hafði í sveitinni. Sveitin var að öllum líkindum skammlíf.
Hljómsveitin Ólund starfaði á Akureyri vorið 1997, líklega í menntaskólanum þar í bæ. Litlar upplýsingar er að hafa um þessa sveit en þó liggur fyrir að Karl Henrý Hákonarson [söngvari?] og Magnús Rúnar Magnússon trommuleikari voru í henni. Um aðra meðlimi er ekkert vitað en upplýsingar um þá óskast sendar Glatkistunni.
Tríóið ÞÆÖ-40 var starfrækt við Menntaskólann á Akureyri haustið 1991 að minnsta kosti. Litlar heimildir er að finna um þessa sveit en meðlimir hennar hétu Einar Hafberg (Grétar á gröfunni o.fl.), Frosti Jónsson og Ási [?]. Svo virðist sem sveitin hafi spilað einhvers konar tölvuskotna danstónlist. Nánari upplýsingar óskast um ÞÆÖ-40.
Hljómsveit sem bar nafnið Þögnin lék á árshátíð Menntaskólans á Akureyri haustið 1968. Engar upplýsingar finnast um þessa sveit, hvorki um meðlimi hennar né líftíma og hér er gert ráð fyrir að sveitin hafi verið starfrækt á Akureyri en sé ekki sú sama og starfaði líklega í Vestmannaeyjum um svipað leyti.
Hljómsveit starfandi á Akureyri, líkast til á áttunda áratug liðinnar aldar, gekk undir nafninu Þungavigtarbandið. Meðlimir Þungavigtarbandsins voru Mikael Jónsson trommuleikari (og hugsanlega söngvari), Árni Ingimundarson, Ingvi Rafn Jóhannsson og Hannes Arason, ekki liggur fyrir á hvaða hljóðfæri síðast töldu þremenningarnir léku.
Út að skjóta hippa var skammlíf ballsveit sem starfaði haustið 1992. Sveitin var angi af Skriðjöklum frá Akureyri en meðlimir hennar voru Sölvi Ingólfsson söngvari, Kristján Edelstein gítarleikari, Jakob Jónsson gítarleikari, Sigfús Óttarsson trommuleikari og Jón Haukur Brynjólfsson bassaleikari.
Á Akureyri var starfandi hljómsveit á árunum 1995 og 1996 sem bar heitið Undir áhrifum. Meðlimir sveitarinnar í upphafi voru þeir Rúnar [?] söngvari, Ingvar Valgeirsson [?] gítarleikari, Ólafur Hrafn Ólafsson gítarleikari, Ármann Gylfason bassaleikari og Jón Baldvin Árnason trommari. Ingvar hætti fljótlega en nokkru síðar bættist Heimir [?] hljómborðsleikari í sveitina.
Engar upplýsingar er að finna um Savanna tvíóið sem tók þátt í tónlistarhátíð Menntaskólans á Akureyri vorið 1984, Viðarstauk ´84. Mestar líkur eru á að tvíóið hafi ekki verið starfandi heldur einungis verið sett saman fyrir þennan eina viðburð.
Þegar Þjóðverjinn Robert Abraham (Róbert A. Ottósson) flúði hingað til lands 1935 undan ágangi nasista í Þýskalandi settist hann fyrst um sinn að á Akureyri. Þar kenndi hann við tónlistarskólann og var um tíma mjög áberandi í akureysku tónlistarlífi. Eitt af verkum hans nyrðra var að stofna Samkór Akureyrar 1936 en hugtakið samkór var þá…
Ito Kata var akureysk hljómsveit starfandi árið 1983. Engar heimildir er að finna um þessa sveit sem skírskotar með nafni sínu í Svals og Vals teiknimyndasögurnar.
Hljómsveit á Akureyri bar nafnið Intifata snemma árs 1993. Engar upplýsingar er að finna um þessa sveit og óskast þær þess vegna sendar Glatkistunni.
Afar takmarkaðar upplýsingar er að finna um hljómsveit sem bar nafnið Ingvi og starfaði að öllum líkindum við Menntaskólann á Akureyri árið 1988. Sveitin sigraði þá tónlistarkeppnina Viðarstauk sem haldin var í MA en hún hlaut einnig viðurkenningu fyrir bestu búningana og bestu sviðsframkomuna. Því er hér óskað eftir frekari upplýsingum um þessa sveit, hverjir…
Ingimar Eydal starfrækti um tíma djasshljómsveit undir nafninu Ingimar Eydal og félagar. Ingimar hafði lent í bílslysi vorið 1976 og slasast nokkuð, hljómsveit hans, Hljómsveit Ingimars Eydal var því lögð í salt um óákveðinn tíma en það leið ekki á löngu þar til Ingimar stofnaði nýja sveit (um haustið), sveit sem sérhæfði sig í djasstónlist…
Ingimundur Árnason kórstjórnandi var mikils metinn í tónlistarlífi Akureyringa meðan hans naut við en segja má að hann hafi byggt upp karlakóramenningu bæjarins. Ingimundur sem fæddist á Grenivík árið 1895 lærði á orgel í æsku og tónlistaráhugi hans og -hæfileikar urðu til þess að hann var orðinn organisti í heimabyggð fyrir fermingu. Um tvítugt stjórnaði…
Hljómsveitin Nemó starfaði á Akureyri um árabil á sjöunda og áttunda áratug síðustu aldar. Sveitin er fyrst nefnd í fjölmiðlum vorið 1965 og á fyrstu árunum var oft talað um Nemó kvartett. Engar upplýsingar er að finna um meðlimi Nemó en svo virðist sem Númi Adolfsson hafi verið hljómsveitarstjóri á fyrstu árunum. Eins kynni Birgir…
Hljómsveitin Narsissa var starfandi innan Hvítasunnusafnaðarins á Akureyri og var skipuð ungum hljómlistarmönnum þar í bæ. Meðlimir sveitarinnar voru Sara Helgadóttir sönkona og kassagítarleikari, Valdimar Júlíusson gítarleikari og söngvari, Ágúst Böðvarsson bassaleikari, Hjörtur Birgisson trommu- og gítarleikari og Erdna Varðardótir söngkona. Ólafur Zophoníasson hljómborðsleikari bættist fljótlega í hópinn. Alli [?] mun einnig hafa verið í…
Útgáfufyrirtækið Narsissa var stofnsett í kringum samnefnda hljómsveit sem starfaði innan Hvítasunnuhreyfingarinnar á Akureyri. Narsissa gaf út líklega tvær af þremur plötum hljómsveitarinnar en einnig jólaplötu Erdnu Varðardóttur, Jólanótt, 1999. Ekki liggja fyrir upplýsingar um fleiri útgáfur á vegum Narsissu.
Á Akureyri var starfandi hljómsveit undir nafninu Nafnlausa hljómsveitin árið 1987 og lék hún m.a. á skemmtun tengdri afmæli Akureyrarbæjar um sumarið. Engar upplýsingar er að finna um meðlimi þessarar norðlensku sveitar.
Nafnlausa hljómsveitin starfaði á Akureyri árið 2000. Þetta mun hafa verið sjö manna band sem innihélt tvær söngkonur, Hrönn Sigurðardóttir og Svava Friðriksdóttir önnuðust þann þátt en ekki liggja fyrir upplýsingar um aðra meðlimi Nafnlausu hljómsveitarinnr.
Hljómsveitin N. á nýrómantík (Enn á ný rómantík) var starfrækt á Akureyri á síðari hluti níunda áratugar síðustu aldar. Sveitin var stofnuð sumarið 1987 og voru þá í henni Haraldur Davíðsson söngvari, Pétur Eyvindsson gítarleikari, Kristinn Torfason bassaleikari og Haukur Pálmason trommuleikari. Þeir voru allir tæplega tvítugir. Vorið 1988 keppti sveitin í Músíktilraunum Tónabæjar og…
Á árunum 1996 og 97 var starfandi djasshljómsveit á Akureyri undir nafninu Na nú na (Nanúna) en hún hafði verið stofnuð haustið 1996. Sveitin kom þó ekki fram opinberlega fyrr en vorið eftir þegar Jazzklúbbur Akureyrar var endurreistur eftir nokkra ládeyðu. Þá voru í Na nú na Karl Petersen trommuleikari, Stefán Ingólfsson bassaleikari, Heimir Freyr…
Hljómsveitin Próflausi dúxinn starfaði á Akureyri sumarið 1991. Engar upplýsingar er að finna um þessa sveit aðrar en þær að hún spilaði rokk, allar upplýsingar um meðlimi hennar og tilurð almennt eru vel þegnar.
Prentsmiðjukvartettinn svokallaði starfaði á Akureyri í kringum 1920 en ekki liggur þó nákvæmlega fyrir hvenær. Að öllum líkindum mun Prentsmiðjukvartettinn hafa starfað við Prentverk Odds Björnssonar (POB) á Akureyri en um var að ræða tvöfaldan kvartett. Sigurður Oddsson Björnsson sonur Odds Björnssonar mun hafa verið stofnandi eða aðal hvatamaður að stofnun Prentsmiðjukvartettsins en auk hans…
Hljómsveitin Pónik frá Akureyri starfaði í um eitt ár og var skipuð ungum tónlistarmönnum. Hún var stundum nefnd Pónik og Bjarki. Meðlimir Pónik voru Garðar Karlsson gítarleikari [?], Örn Bjarnason gítarleikari [?], Kristján Gunnarsson orgelleikari [?], Jörundur Guðmundsson trommuleikari (síðar skemmtikraftur og eftirherma) og Bjarki Tryggvason söngvari og bassaleikari [?] (síðar kenndur við Póló og…
Hljómsveitin Póló frá Akureyri var með vinsælustu hljómsveitum norðan heiða um árabil þótt ekki hafi hún skákað veldi Hljómsveitar Ingimars Eydal. Póló sem lék bítlatónlist jafnt á við gömlu dansana, var stofnuð vorið 1964 og mun hafa leikið fyrst opinberlega í Mývatnssveit, meðlimir sveitarinnar voru þá Pálmi Stefánsson harmonikku- og bassaleikari, Gunnar Tryggvason gítarleikari, Steingrímur…
Danshljómsveitin Portó var starfrækt á Akureyri á árunum 1981 til 1985 að minnsta kosti. Sveitin sem var stofnuð haustið 1981 lék einkum á heimaslóðum norðanlands og voru meðlimir hennar Erla Stefánsdóttir söngkona, Guðmundur Meldal trommuleikari, Frosti Meldal bassaleikari, Fróði Oddsson gítarleikari, Björgvin Baldursson söngvari og gítarleikari og Sverrir Meldal hljómborðsleikari. Ekki er kunnugt um mannabreytingar…
Glatkistan 