Á nýjum stað

Á nýjum stað
(Lag / texti: Guðmundur Jónsson / Stefán Hilmarsson)

Þegar allt er gengið niður
og þankarykið sest á ný
heyrist kunnuglegur kliður,
úti er friður.
Ró fyrir bí.

Það er víst of fljótt að fagna,
fokið er í skjólin flest.
Hratt og vel ég reiði magna.
Þau munu þagna.
Sólin er sest.

viðlag
Nú trúi ég og treyst’á það
að takist einsog stefnt var að;
Við fáum hugi sameinað
á nýjum stað.
Ég trúi því að nú sé lag,
það komi tíð með bættum hag,
og dagur eftir þennan dag
á nýjum stað.

Nú treysti ég á þig..
Þú treysta mátt á mig.

Í fjarskanum er felustaður;
forlaganna höfuðból.
Það veit að vísu enginn maður
hvers það er hagur,
hver þar á skjól.

Allt í einu gerist undur,
á ögurstundu hetjudáð.
Sannarlega náðarmundur.
En eftir sem áður
dýr eru ráð.

Nú trúi ég og treyst’á það
að takist einsog stefnt var að;
Við fáum hugi sameinað
á nýjum stað.

[á plötunni Sálin hans Jóns míns – Logandi ljós]