Ágústnótt

Ágústnótt
(Lag / texti: Oddgeir Kristjánsson / Árni úr Eyjum)

Undurfagra ævintýr,
ágústnóttin hljóð,
um þig syngur æskan hýr
öll mín bestu ljóð.
Ljósin kvikna, brennur bál,
bjarma slær á grund.
Ennþá fagnar sérhver sál,
sælum endurfund.

Glitrandi vín og víf
veita mér stundar frið.
Hlæjandi ljúfa líf,
ljáðu mér ennþá bið.
Undurfagra ævintýr,
ágústnóttin hljóð,
hjá þér ljómar ljúf og hýr,
lífsins töfraglóð.

[m.a. á plötunni Sextett Ólafs Gauks & Svanhildur og Rúnar – 14 lög eftir Oddgeir Kristjánssonar]