Aravísur

Aravísur
(Lag / texti: Ingibjörg Þorbergs / Stefán Jónsson)

Hann Ari er lítill, hann er átta ára trítill
með augu mjög falleg og skær.
Hann er bara sætur, jafnvel eins er hann grætur
og hugljúfur þegar hann hlær.
En spurningum Ara er ei auðvelt að svara
„Mamma af hverju er himinninn blár?
Sendir guð okkur jólin?
Hve gömul er sólin?
Pabbi, því hafa hundarnir hár?”

Það þykknar í Ara ef þau vilja ekki svara
og þá verður hann ekki rór.
Svo heldur en þegja þau svara og segja
„Þú veist það er verðurðu stór”.
Fyrst hik er á svari, þá hugsar hann Ari
og hallar þá kannski undir flatt,
og litla stund þegir, að lokum hann segir
„þið eigið að segja mér satt”.

[á fjölmörgum plötum]