Dísukvæði

Dísukvæði
(Lag / texti: Christiani / Friðrik A. Friðriksson)

Vakna Dísa, vakna nú,
veltu þér úr fleti.
Vakna segi ég, vakna þú,
vond er þessi leti.
Björt í suðri sólin skin,
sveifla piltar ljáum.
Hátt og ótt í eggjum hvín,
er þeir granda stráum.
Tjú tjú tjú…

Dísa, þetta draumaslór,
dámar mér nú ekki,
ljáin orðin alltof stór,
ætti að nást í flekki.
Þegar slíkur þurrkur er
þyrfti fólk að vaka.
Fram úr stelpa, flýttu þér,
farðu strax að raka.
Raka raka raka

Dísa var að dansa í nótt,
Dísa þarf að lúra.
Dísa er svo draumarótt,
Dísa vill því kúra.
Átök mörg og orðin reið,
ekkert henni bifar.
Sólin gengur sína leið,
sífellt klukkan tifar.
Tí tí tí

[m.a. á plötunni Leikbræður – Leikbræður]