Ef væri ég söngvari

Ef væri ég söngvari
(Lag / texti: erlent lag / Páll J. Árdal)

Ef væri ég söngvari syngi ég ljóð
um sólina, vorið og land mitt og þjóð,
um sólina, vorið og land mitt og þjóð.

En mömmu ég gæfi mín ljúfustu ljóð,
hún leiðir mig, verndar og er mér svo góð.
Hún leiðir mig, verndar og er mér svo góð.

Ef gæti ég farið sem fiskur um haf
ég fengi mér dýrustu perlur og raf,
ég fengi mér dýrustu perlur og raf.

Og rafið ég geymdi og gæfi ekki braut
en gerði’ henni mömmu úr perlunum skraut,
en gerði’ henni mömmu úr perlunum skraut.

Ef kynni’ ég að sauma, ég keypti mér lín,
og klæði ég gerði mér snotur og fín,
og klæði ég gerði mér snotur og fín.

En mömmu úr silki ég saumaði margt,
með silfri og gulli, hið dýrasta skart,
með silfri og gulli, hið dýrasta skart.

[m.a. á plötunni ABCD – ýmsir]