Frostrósir

Frostrósir
(Lag / texti Freymóður Jóhannsson)

Þú komst til að kveðja í gær,
þú kvaddir og allt varð svo hljótt.
Á glugganum frostrósin grær.
Ég gat ekki sofið í nótt.
Hvert andvarp frá einmana sál,
hvert orð sem var myndað án hljóms
nú greinist sem gaddfreðið mál
í gervi hins lífvana blóms.

Er stormgnýrinn brýst inn í bæ
með brimhljóð frá klettóttri strönd
– en reiðum og rjúkandi sæ
hann réttir oft ögrandi hönd.
Ég krýp hér og bæn mína bið
þá bæn, sem í hjartanu er skráð;
Ó, þyrmdu’ honum, gefðu’ honum grið
– Hver gæti mér orð þessi láð?

[m.a. á plötunni Vilhjálmur og Elly Vilhjálms – Vilhjálmur og Elly Vilhjálms syngja lög eftir Tólfta september]