Fyrir vestan sól

Fyrir vestan sól
(Lag / texti: Dean – Leigh / Jónas Friðrik Guðnason)

Ég skil ekki enn hvað það var sem þú vildir,
hvar vonir þínar urðu strand
en mér fannst eins og þú vildir alltaf eiga
einhvers konar draumaland.

Þér fannst enginn eldur hjá okkur og lífið
ekki ganga réttan veg.
Og þig fór að dreyma um einhvern þarn’ úti
sem ekki var jafn sljór og ég.

Og þér
er sérhver dagur nýr
og sjálfsagt nýjar óskirnar
en ég – ég geng hér um og gæti
garðsins þar sem hjartað býr.

En ég – ég geng hér um og gæti
garðsins þar sem hjartað býr.

Ég verð hérna enn, því er óhætt að treysta
ef þig skyldi vanta skjól,
eitthvert kvöld er þú verður leið á að leita,
landsins fyrir vestan sól.

[á plötunni Björgvin Halldórsson – Eftirlýstur]