Færðu mér frið

Færðu mér frið
(Lag / texti: Guðmundur Jónsson / Stefán Hilmarsson)

Horfðu á heiminn og virtu fyrir þér.
Eygðu vel allt sem er illt og miður fer.
Eilíf ógn, styrjaldir, alls staðar eru vígvellir.
Segðu mér sýnist þér vera þörf á því?

viðlag
Færðu mér frið, og ég fylgi hvert sem er.
Færðu mér frið, og ég faðma þig að mér.
Já sýndu mér sættir og sameiginlegan tón.
Færðu mér — færðu mér frið.

Líttu við, lífið er lúkum þínum í.
Stattu upp spyrntu nú fótunum við því.
Valdatafl, trúarstríð, viljastuldur og kúlnahríð.
Heyrir þú hófadyn dauðans handan að?

viðlag

Valdatafl, trúarstríð, viljastuldur og kúlnahríð.
Veistu um einhvern sem unnið hefur stríð?

viðlag

[m.a. á plötunni Sálin hans Jóns míns – Sálin hans Jóns míns]