Gamli góði vinur

Gamli góði vinur
(Lag / texti: Magnús Eiríksson)

Gamli góði vinur, glaðir gengum við oft forðum
en við gátum líka skipst á grát og grimmdarorðum.
Þú varst ekki betri en ég, uppátækin furðuleg
og eftir skólaár við héldum hvorn sinn veg.
Út í kaldlynd hversdagsstríð, kepptum við af krafti um hríð
að sama marki gegnum áralanga tíð.

Gamli góði vinur, nú er gróið yfir sporin
með Sjenna bróður sem við gengum oft á vorin.
Ég slæ ei lengur þitt bak, við látum duga handartak.
Við þykjumst vera orðnir menn og engum háðir.
En þegar vínið vermir sál við tölum ennþá sama mál,
þó er það af sem áður var vitum við báðir.

Gamli góði vinur, enginn greinir lengur brosið,
er það ofan í dagsins gráma orðið frosið?
Þú varst ekki betri en ég, uppátækin furðuleg
og eftir skólaár við héldum hvor sinn veg.
Út í kaldlynd hversdagsstríð, kepptum við af krafti um hríð
að sama marki gegnum áralanga tíð.

Gamli góði vinur.
Gamli góði vinur.

[m.a. á plötunni Mannakorn – Í gegnum tíðina]