Göngum yfir brúna

Göngum yfir brúna
(Lag / texti: Magnús Eiríksson)

Sagt er að sumir vilji verksmiðjur
út við sérhvern tanga og fjörð.
Sagt er að aðrir vilji stóriðjur
út um sína fósturjörð.

Göngum yfir brúna, milli lífs og dauða,
gín á báðar hendur, gjáin dauðadjúpa.

Landið okkar sem var laust við skít
verður leigt gegn gulli í hönd.
Af græðgi gerumst við svo einskis nýt,
að okkur gleypa önnur lönd.

Göngum yfir brúna, milli lífs og dauða,
gín á báðar hendur, gjáin dauðadjúpa.

Af öllu sem við gerum rangt og rétt,
við reyndar lærum aldrei neitt.
Og eftir dauðann hef ég nýskeð frétt,
að aurum enginn geti eytt.

Göngum yfir brúna, milli lífs og dauða,
gín á báðar hendur, gjáin dauðadjúpa.

[m.a. á plötunni Mannakorn – Í gegnum tíðina]