Guð, hvað ég er góður

Guð, hvað ég er góður
(Lag / texti: erlent lag / Jónas Friðrik Guðnason)

viðlag
Ég veit að ég er ferlega frábær
og fallegri miklu en þú.
Og líka svo gróflega góður
að gerast ei dæmi slíks nú.
Svo lipur og klár og laginn
að líkist mér ekki neinn.
Menn troða mér ekkert um tærnar
því á toppnum stend ég bara einn.

Mig undrar oft hvað heimskan
er öllum nærtæk hér.
Menn vaða í villu og svíma
en vilja ei hjálp frá mér.
Ef liðið sem landinu stjórnar
leitaði stundum til mín,
þá væri enginn vandi á höndum
og veröldin auðug og fín.

viðlag

Ég átt gæti ágætis vini
ef eyddi ég tíma í þá.
En fólk er svo feimið og skrýtið
að fæstir hér vilja mig sjá.
Þeir segja að ég elski mig sjálfan,
það sýnir hvað greindur ég er.
Ég þarf ekki á hinum að halda,
ég held bara áfram með mér.

viðlag

[m.a. á plötunni Ríó tríó – Lengi getur vont versnað]