Hin gömlu kynni

Hin gömlu kynni
(Lag / texti: erlent lag / Árni Pálsson)

Hin gömlu kynni gleymast ei,
enn glóir vín á skál.
Hin gömu kynni gleymast ei
né gömlu tryggðarmál.
Ó, góða, góða gamla tíð
með gull í mund,
nú fyllum bróðir bikarinn
og blessum liðna stund.

Við leiddumst fyrr um laut og hól
er lóan söng í mó
en draumar svifu, söngur hvarf
úr Silfrastaðaskóg.
Við óðum saman straum og streng
og stóðumst bylgjufall.
En seinna  hafrót mæðu og meins
á millum okkar svall.

Þótt sortnað hafi sól og lund,
ég syng und laufgum hlyn
og rétti mund um hafið hálft,
og heilsa gömlum vin.
Ó, góða, góða gamla tíð
með gull í mund,
nú fyllum bróðir bikarinn
og blessum liðna stund.

[m.a. á plötunni Silfurkórinn og Pálmi Gunnarsson – Á harða harða spretti]