Hreðavatnsvalsinn

Hreðavatnsvalsinn
(Lag / texti: Ragnar Geirs [Knútur R. Magnússon] / Atli S. Þormar)

Úti við svalan sæinn
syng ég mín ástarljóð,
dýrðlegum dagsins draumum í
dvel ég við forna slóð.

Þú varst minn æskuengill,
ást mín var helguð þér.
Þegar ég hugsa um horfna tíð,
hugur minn reika fer.

viðlag
Manstu hve gaman
er sátum við saman
í sumarkvöldsins blæ.
Sól var sest við sæ,
svefnhöfgi yfir bæ.

Við hörpunnar óma,
í hamingjuljóma,
þá hjörtu okkar börðust ótt,
allt var orðið hljótt,
yfir færðist nótt.

Dreymandi í örmum þér,
alsæll ég gleymdi mér,
unaði fylltist mín sál.
Brostirðu blítt til mín,
blikuðu augu þín,
birtu mér huga þíns mál.

viðlag

[m.a. á plötunni Bestu lög 6. áratugarins – ýmsir]