Litla jólabarn

Litla jólabarn
Lag / texti: erlent lag / Ómar Ragnarsson

Jólaklukkur klingja kalda vetrarnótt,
börnin sálma syngja, sætt og ofurhljótt.
Englaraddir óma yfir freðna jörð,
jólaljósin ljóma, lýsa upp myrkan svörð.

viðlag
Litla jólabarn, litla jólabarn,
ljómi þinn stafar geislum íss og hjarn.
Indæl ásýnd þín yfir heiminn skín,
litla saklausa jólabarn.

Ljúft við vöggu lága lofum við þig nú,
Undrið ofursmáa eflir von og trú.
Veikt og vesælt alið, varnarlaust og smátt
en fjöregg er þér falið, framtíð heims þú átt.

viðlag

Ef þú hlærð og hjalar hrærist sála mín,
helga tungu tala tærblá augu þín.
Litla brosið bjarta boðskap flytur enn,
sigrar myrkrið svarta, sættir alla menn

viðlag

[m.a. á plötunni Gleðileg jól – ýmsir]