Með vaxandi þrá

Með vaxandi þrá
(Lag / texti: Geirmundur Valtýsson / Hjálmar Jónsson)

Viltu nú vina mín kæra,
vaka með mér í nótt,
gleðina góða og tæra
getum við eignast svo fljótt,
komum og finnum að fjörið er fullkomið hér.

Komdu þá, kæri vinur,
kvöldið er ungt og nýtt.
Þú nötrar sem normansþinur
en nú verður bjart og hlýtt.
Upplifum sæluna saman við söngva og dans.

viðlag
Dönsum á draumasviði
við dynjandi undirspil,
gleðin með góðu sniði
og gaman að vera til.
Ástin er vöknuð og vakir
með vaxandi þrá.

[m.a. á plötunni Fyrstu árin 2 – ýmsir]