Ó, María mig langar heim

Ó, María mig langar heim
(Lag / texti: erlent lag / Ólafur Gaukur Þórhallsson)

Hann sigldi út um höfin blá í sautján ár
og sjómennsku kunni hann upp á hár.
Hann saknaði alla tíð stúlkunnar
og mynd hennar stöðugt í hjarta hann bar.

viðlag
Ó, María mig langar heim,
ó, María mig langar heim
því heima vil ég helst vera,
Ó, María hjá þér.

Í höfnum var hann hrókur mikils fagnaðar,
hann heillaði þar allar stúlkurnar.
En aldrei hann meyjarnar augum leit,
það átti ekki við hann að rjúfa sín heit.

viðlag

Loks kom að því, hann vildi halda heim á leið
til hennar sem sat þar og beið og beið.
Hann hætti til sjós, tók sinn hatt og staf
og heimleiðis sigldi um ólgandi haf.

viðlag

En fleyið bar hann aldrei heim að fjarðar strönd,
hann ferðast ei meira um ókunn lönd.
En María bíður og bíður enn
hún bíður og vonar hann komi nú senn.

viðlag

[m.a. á plötunni Það gefur á bátinn – ýmsir]