Ó, nema ég

Ó, nema ég
(Lag / texti: erlent lag / Jón Sigurðsson)

Oft á vorin haldin eru héraðsmót,
í hópum sækja þangað bæði sveinn og snót
og allir skemmta sér á einhvern veg.
Ó, nema ég.

Þeir eiga allir kærustur sem kyssa þá
og klappa þeim í lautum svona til og frá
og brosin frá þeim fá þeir unaðsleg.
Ó, nema ég.

Mér alltaf illa gekk, og aldrei neitt ég fékk
sem öðrum veittist, það er alveg satt.
Á grasi iðar dans og oft í meyjafans
ég endilangur snöggt um þúfur datt.

En héraðsmótin hætta reynist hverjum þeim
sem hrífst af meyjarkinn og bláum augum tveim.
Þeir ánetjast  á einn og annan veg.
Hæ, nema ég.

[m.a. á plötunni Aftur til fortíðar 50-60 II – ýmsir]