Sem aldrei fyrr

Sem aldrei fyrr
(Lag / texti: Bubbi Morthens)

Suma dreymir gull og græna skóga
og gráta að þeir eiga ekki meir.
Með gallbragð í munni brosa beiskir
og bölva þar til sálin í þeim deyr.
Og Júdas er verðlaus lúser
sem lífinu hafnaði, segja þeir.

En mig dreymir aðeins þessa einu konu,
það er eldfimt loftið þar sem hún fer.
Það er gott að elska og eiga hennar hjarta
því hún elskar mig eins og ég er.
Og ég veit hvar frelsið er að finna
í faðmi hennar bíður eftir mér.

viðlag
Það er vont að vera týndur
í veröld sem engar hefur dyr
og fyrir þá sem aldrei hafa elskað
hlýtur tíminn að standa kyrr.
En ég er ástfanginn
sem aldrei fyrr.

Jú mig dreymir aðeins þessa einu konu
og allan þennan þokka sem hún ber.
Það er gott að elska og eiga hennar hjarta
því hún tekur mér eins og ég er.
Og ég veit hvar frelsið er að finna
í faðmi hennar bíður eftir mér.

viðlag

[m.a. á plötunni Bubbi Morthens – Lífið er ljúft]