Ship-o-hoj

Ship-o-hoj
(Lag / texti: Oddgeir Kristjánsson / Loftur Guðmundsson)

Sjómannslíf, sjómannslíf,
draumur hins djarfa manns,
blikandi bárufans,
býður í trylltan dans.
Sjómannslíf, sjómannslíf,
ástir og ævintýr,
fögnuð í faðmi býr,
brimhljóð og veðragnýr.

Ship-o-hoj, ship-o-hoj,
ferðbúið liggur fley.
Ship-o-hoj, ship-o-hoj,
boðanna býð ég ei.

Við stelpurnar segi ég
ástarljúf orð.
Einn, tveir, þrír kossar,
svo stekk ég um borð.

Ship-o-hoj, ship-o-hoj,
mig seiðir hin svala dröfn.
Ship-o-hoj, ship-o-hoj,
og svo nýja í næstu höfn.

[m.a. á plötunni Óskalög sjómanna – ýmsir]