Söngur ræningjanna

Söngur ræningjanna
(Lag / texti: erlent lag / Kristján frá Djúpalæk)

Við læðumst hægt um laut og gil
og leyndar þræðum götur,
á hærusekki heldur einn
en hinir bera fötur.
Að ræna er best um blakka nótt,
í bænum allir sofa rótt.
Þó tökum við aldregi of eða van,
hvorki Kasper og Jesper né Jónatan.

Hjá slátraranum finnst það flest
sem freistar svangra gesta,
við þurfum líka ljónamat,
og lifur er það besta.
Af rifjasteik við tökum toll,
þrjár tungur og svo bringukoll.
Þó tökum við aldregi of eða van,
hvorki Kasper og Jesper né Jónatan.

Í bakarí við brjótumst inn
en bara lítið tökum,
tólf dvergsmá brauð, sex dropaglös
og dálítið af kökum.
Svo étur kannski Jónatan
af jólaköku bláendann.
Þó tökum við aldregi of eða van,
hvorki Kasper og Jesper né Jónatan.

[m.a. á plötunni Kardemommubærinn – úr leikriti]