Sumarblús

Sumarblús
(Lag / texti: Bubbi Morthens)

Það gæti verið gaman,
eiga geisla, fá að hafa hann
þegar frost væri úti,
að hleypa honum inn.
Hann mundi bræða klakann,
snjórinn mundi hata hann.
Við gætum setið í grasinu
og drukkið af stút.

viðlag
Geislar sólarinnar negla glerið
en þú sérð ekki út.
Það getur ekki verið,
ekki hingað upp á skerið
sé kominn sumarblús.

Það gæti verið gaman
ef við færum eitthvað saman,
bara ef hitamælirinn mundi sýna lítinn plús.
Fuglar mundu syngja,
kirkjuklukkur hringja,
sólin og ég við gætum orðið dús

viðlag

[m.a. á plötunni Bubbi Morthens – Fingraför]