Tár í tómið

Tár í tómið
(Lag / texti: erlent lag / Jónas Friðrik Guðnason)

Bárur þér fleygja um bölsins haf,
brotið hvert skip sem þér lífið gaf
uns eiturbylgjan við auðnarland
að endingu grefur þitt lík í sand.

Við áttum drauma og ást og trú
en eitthvað brást og þú reikar nú
um villustræti um voðans borg,
það er verra en dauði og þyngra en sorg.

viðlag
Og öll mín tár
til einskis þau í tómið renna,
mín ör og sár
til einskis svíða þau og brenna
en verst er þó að vita ei
hverju er um að kenna.

Þú grætur oft en ég get svo fátt,
ég gaf þér allt, það var samt of smátt.
Eitrið þig bindur í báða skó
og blóð þitt hrópar, fær aldrei nóg.

Þeir hirða þig stundum og hringja í mig
og heimta að ég komi að sækja þig.
Þú ert örvita af kvölum og allt mitt þor,
mín orka og líf fer í þessi spor.

viðlag

Á sjúkrahús fórst
og er send varst heim,
þeir sögðu þig fríska, við trúðum þeim.
Þú hlóst og söngst, en þú hlærð ei meir,
það hryggir ei neitt eins og von sem deyr.

Bárur þér fleygja um bölsins haf,
brotið hvert skip sem þér lífið gaf
uns eiturbylgjan við auðnarland
að endingu grefur þitt lík í sand.

viðlag

[m.a. á plötunni Ríó tríó – Best af öllu]