Þjóðvegurinn

Þjóðvegurinn
(Lag / texti: Magnús Eiríksson)

Nú finn ég fiðringinn,
ég fylli bílinn minn.
Þar er að verki gamli ferðahugurinn.
Svo er ekið af stað
og ekki áð um sinn.
Ég ætla að glíma í allan dag við þjóðveginn.

Ég tek minn poka og tjald,
ég tek mitt veiðidót.
Við tekur hamslaus keyrsla yfir urð og grjót.
Og á áfangastað
hvíld og gleði ég finn.
Allan daginn hef ég glímt við þjóðveginn.

viðlag
Glímt við þjóðveginn,
þessa grýttu braut.
Glímt við þjóðveginn,
gegnum dalanna skaut.

Tjaldi upp að slá,
fjöllin eru blá.
Nú liggur ekki lengur lífið á.
Má ég skríða hér inn
oní svefnpokann þinn.
Því ég hef allan daginn glímt við þjóðveginn.

viðlag

Tjaldi upp að slá,
fjöllin eru blá.
Nú liggur ekki lengur lífið á.
Má ég skríða hér inn
oní svefnpokann þinn.
Því ég hef allan daginn glímt við þjóðveginn.

[m.a. á plötunni Brimkló – Glímt við þjóðveginn]