Tryggðarpantanir

Tryggðarpantanir
(Lag / texti: höfundur ókunnur / Páll Ólafsson)

Komdu og skoðaðu í kistuna mína,
í kössum og handröðum á ég þar nóg,
sem mér hafa gefið í minningu sína
meyjarnar allar sem brugðust mér þó.
Í handröðum þessum ég hitt og þetta á
sem heldur en ekki er fróðlegt að sjá,
tralallaa…

Rósaklút þennan hún Guðrún mín gaf mér,
það gekk allt í spaugi í rökkrinu þá.
Seinna dró gleðina‘ og gamanið af mér,
ég grét eins og krakki, þá hana ég sá
vefja að sér beykirinn, þörf var mér þá
að þurrka af mér skælurnar klútgreyið á,
tralalla…

Þarna hef ég undur af öðru eins, maður,
Önnum og Gunnum og Kristínum frá.
Það er til vonar, ég væri ekki glaður
en ég verð aldrei hnugginn, og það muntu sjá
að enn hafa stúlkurnar mætur á mér,
mun ég þó fyrst um sinn trúa þeim ver,
tralalla…

[m.a. á plötunni KK og Magnús Eiríksson – Fleiri ferðalög]