Útlaginn

Útlaginn
(Lag / texti: erlent lag / Jón Sigurðsson)

Upp undir Eiríksjökli
á ég í helli skjól,
mundi þar mörgum kólna,
mosa er þakið ból.

Útlagi einn í leyni
alltaf má gæta sín,
bjargast sem best í felum,
breiða yfir sporin mín.

Ungur ég fór til fjalla,
flúði úr sárri nauð,
úr hreppstjórans búi hafði
ég hungraður stolið sauð.

En hann átti hýra dóttur
sem horfði ég tíðum á,
nú fæ ég aldrei aftur
ástina mína að sjá.

Stundum mig dreymir drauma,
dapurt er líf mitt þá,
aldrei mun lítill lófi
leggjast á þreytta brá.

Ef til vill einhvern tíma
áttu hér sporin þín,
grafðu í grænni lautu
gulnuðu beinin mín.

[m.a. á plötunni Svona var 1959 – ýmsir]