Vinarkveðja

Vinarkveðja
(Lag / texti: höfundur ókunnur / Theódór Einarsson)

Besti vinur bak við fjöllin háu,
blærinn flytur mín kveðjuorð til þín,
hvíslar í eyra ljúfu ljóðin smáu,
löng er biðin uns kemur þú til mín.
Manstu ekki sumarkvöldin sælu,
við sátum tvö ein í dalsins helgu ró
og hlýddum saman hljóð
á hörpu minnar óð
og ortum fögur ástarljóð.

Nú ég vaki um nætur
og vænti þín.
Það vorar, allt grætur
þig ástin mín.
Ég heyri vorfugla kvaka,
ég veit þú kemur til baka,
þá við vökum og syngjum
meðan vornóttin dvín.

[m.a. á plötunni Helgi Björnsson – Helgi Björns syngur íslenskar dægurperlur]