Bakvið veggi martraðar

Bakvið veggi martraðar
(Lag / texti: Bubbi Morthens)

Ég vaknaði um óttu við uggvænan draum,
óm af röddum heyrði ég berast,
ég kafaði vökunnar kalda straum
og kallaði: hvað er að gerast?

Þú efar sjálf þær sögur enn
að sagan geymi svo vonda menn
sem ástina blekkja og sólina særa.
Systir, margt þart þú enn að læra.

Bakvið veggi martraðar myndin af þér lifir,
margoft hef ég gullið mitt reynt að komast yfir.

Býr í djúpi borgar óttinn
bæli á í augum manna
sem bíða þess að biksvört nóttin
bryðji þá á milli tanna.

Bakvið veggi martraðar myndin af þér lifir,
margoft hef ég gullið mitt reynt að komast yfir.

Kominn er vetur milda móðir,
mjöllin hylur gömul spor,
ástin fýkur um freðnar slóðir,
fölur bíð ég komi aftur vor.

Bakvið veggi martraðar myndin af þér lifir,
margoft hef ég gullið mitt reynt að komast yfir.

[af plötunni Bubbi Morthens – Dögun]