Borgin mín

Borgin mín
(Lag / texti: Bubbi Morthens)

Borgin mín rislága Reykja- heitir -vík,
reyndar er hún örverpi, nánast orðin frík.
Geymir styttur fagrar af feðrum þessa lands,
fram á helgar alla daga stiginn er þar dans.

Börnin hennar þræla þjökuð fram á kvöld,
þau leggja allt í sölurnar fyrir auð og völd.
Það lánast aðeins fáum að fæðast inn í ætt
sem falast eftir hersetu svo auðsins verði gætt.

Bankar verða gjaldþrota, gjöldin borgar þú,
gjöful er jú réttvísin en aldrei meir en nú.
Þó ráðherrann leyfist lögin títt að brjóta
er litlum körlum engin sæmd um slíka hluti að hnjóta.

Félagsráð og skrifstofur voldugum valda penna,
á vörum þeirra spurningar alla daga brenna:
hvort borgin ali dílera og dópið kaupi börn
sem dunda sér í vímunni að moka í Gróttu kvörn?

[af plötunni Bubbi Morthens – Dögun]