Frosin gríma

Frosin gríma
(Lag / texti: Bubbi Morthens)

Skömmu fyrir sólsetur sé ég miðnættið sigla að,
leita skjóls í minningum liðins tíma.
Varir mínar hreyfast, sérð þú það?
Andlit mitt sem frosin gríma.
Úr tóminu heyri ég spámannsins orð:
Dæmir þú aðra, er enginn tími til að elska?
Ég spyr með augunum: Er ég dæmdur fyrir morð
á sjálfum mér taki ég enga sénsa?

Ef ég þyrfti ekki að giska,
ef ég þyrfti ekki að giska,
myndi ég glaður játa
það sem ég gæti hafa gert.
Ef ekki væri þessi vissa,
ef ekki væri þessi vissa,
myndi ég glaður játa
það sem ég hef ekki gert.

Frá angurværum skuggum til verksmiðjufriðar.
Eru fuglarnir frjálsir? spyr ég sjálfan mig.
Því þó vindar blási er eins og þeim ekkert miði
með hlekki himins vafða um sjálfa sig.
Þegar húma tekur spyr ég hjarta mitt í trúnaði?
Hver er tjáning ástarinnar? Og það svarar: Þögnin.
Vissirður það ekki að ástin er tjáning þagnarinnar?

Ef ég þyrfti ekki að giska,
ef ég þyrfti ekki að giska,
myndi ég glaður játa
það sem ég gæti hafa gert.
Ef ekki væri þessi vissa,
ef ekki væri þessi vissa,
myndi ég glaður játa
það sem ég hef ekki gert.

[af plötunni Bubbi Morthens – Kona]