Afmælisbörn 22. apríl 2019

Steinar

Þrjú afmælisbörn koma við sögu gagnagrunns Glatkistunnar að þessu sinni:

Páll Kristinn Pálsson söngvari hljómsveitarinnar Fjörefnis er sexíu og þriggja ára gamall á þessum degi, hann er klárlega þekktastur fyrir að syngja lagið Dansað á dekki sem fyrrgreind hljómsveit gaf út 1979. Páll hafði áður verið í hljómsveitinni Dögg en hann átti síðar eftir að hasla sér völl sem rithöfundur.

Matthías M.D. Hemstock trommu- og slagverksleikari er fimmtíu og tveggja ára gamall í dag, hann hefur þótt ómissandi þegar kalla hefur þurft til slagverksleikara til að leika inn á plötur en þar má t.d. nefna plötur Jóels Pálssonar, Skúla Sverrissonar, Hilmars Jenssonar, Tómsar R. Einarssonar, Ólafar Arnalds, Jóhanns Jóhannssonar o.fl. Matthías hefur einnig leikið með hljómsveitum eins og Todmobile, Havanabandinu, Kerfli, Rússíbönum, Saltfiskssveit Villa Valla og Caput.

Og þriðja afmælisbarn dagins er tónlistarmaðurinn Steinar (Baldursson) sem er tuttugu og fjögurra ára gamall í dagen hann gaf út plötuna Beginning árið 2013 og vakti fyrir það mikla athygli, þá aðeins átján ára Verzlunarskólanemi. Steinar hefur reglulega sent frá sér smáskífur.