Melasveitin (1995-2005)

Melasveitin

Hljómsveitin Melasveitin starfaði á Akranesi um árabil og var líklega þekktust fyrir að innihalda bæjarstjórann í plássinu, Gísla Gíslason.

Sveitin mun hafa verið stofnuð árið 1995 sem skemmtiatriði fyrir árshátíð, meðlimir hennar voru Lárus Sighvatsson hljómborðsleikari, Skúli Ragnar Skúlason fiðluleikari, Guðmundur Jóhannsson bassaleikari, Birgir Þór Guðmundsson gítarleikari, Einar Skúlason gítarleikari, Sigursteinn Hákonarson söngvari, Gísli Gíslason söngvari og gítarleikari og Eiríkur Guðmundsson trommuleikari. Þórgunnur Stefánsdóttir söngkona söng einnig stöku sinnum með sveitinni.

Melasveitin starfaði líklega til ársins 2005 og kom fram nokkrum sinnum á ári, sveitin fór tvívegis til Færeyja og lék á vinabæjamótum.