Meyland (1976-81)

Meyland

Danshljómsveitin Meyland starfaði í um fimm ár á síðari hluta áttunda áratugs síðustu aldar og fram á þann níunda, lék aðallega á dansstöðum höfuðborgarsvæðisins s.s. aðallega í Klúbbnum en einnig á sveitaböllum úti á landi og m.a. á Bindindismótinu í Galtalæk um verslunamannahelgina 1977, eitt sumarið ferðaðist sveitin um landið ásamt eftirhermunni og búktalaranum Guðmundi Guðmundssyni og dansmærinni Dolly.

Þrátt fyrir nokkuð langa sögu og mikið auglýsta sveit eru upplýsingar um Meyland afar takmarkaðar, fyrir liggur að Andri Örn Clausen lék með sveitinni um tíma en annað er óljóst. Í smáauglýsingum tengdum sveitinni eru Ómar [?], Birgir [?] og Siggi [?] nafngreindir ásamt símanúmerum og er því hér gert ráð fyrir að þeir hafi verið meðlimir Meylands.

Hljómsveitin mun hafa verið stofnuð vorið 1976 og starfaði nokkuð samfleytt til haustsins 1980, þá virðist hún hafa farið í pásu en birtist aftur haustið 1981 – en starfaði þá stutt og hætti fljótlega af því er virðist.