Glaðir gæjar (1967)

Glaðir gæjar var skammlíf hljómsveit starfandi í Reykholti í Borgarfirði árið 1967 en uppistaðan í þessari sveit voru kennarar við héraðsskólann á staðnum og flestir þeirra kunnir af öðru en hljómsveitastússi. Þetta voru þeir Jónas Árnason söngvari (síðar kunnur sem þingmaður og söngleikja- og textaskáld), Kjartan Sigurjónsson harmonikkuleikari (síðar organisti á Ísafirði og víðar) og Vilhjálmur Einarsson trommuleikari (silfurverðlaunahafi á Ólympíuleikunum í Melbourne 1956 og þáverandi skólastjóri héraðsskólans), einnig voru í sveitinni Guðmundur Kjerúlf gítarleikari og Sigurður Guðmundsson gítarleikari og söngvari (organisti í sveitinni).

Glaðir gæjar komu líklega einungis fram í eitt eða tvö skipti.